好多朋友都覺得數碼轉型是關乎軟件、人才和銷售等等，其實數碼轉型亦可以應用喺產品設計和產品開發方面；產品設計師相信會明白設計一件好的產品係希望滿足客戶的要求或者為客戶解決難題；產品設計在80年代通常會使用問卷調查、聚焦小組、再參考市場研究公司的專業報告等方法去搜集資料，另一方面加上設計師精心設計，偶然神來之筆，正如喬布斯所講，沖沖下涼就諗得到一件新產品，當然呢啲例子十分罕有！

唔講唔知，喺後疫情年代，全球需求量最高的當然仍是抗疫消毒產品，但其實有其類別是十分渴市的，更是我們日常經常見到的，例如一次過使用的面膜，手指甲護理用品，即是gel甲，瑜伽墊，砌圖遊戲等，點解呢啲產品咁受歡迎，因為全世界好多人都留在家中，呢啲產品都成為佢哋消磨時間的恩物；只要你懂得網上搜尋就好容易搵到相關數據。

上述所講都是蒐集數據或者搜集資料方面，如果企業懂得運用這些大數據，開發出來的服務和產品一定能夠幫助更多有需要的客戶，從而達致提升營銷和增加效益的結果。

Picture: Pixabay Viktor Ivanchenko